Fred at School

Fred @ school_905x588

FRED AT SCHOOL est unu progetu creativu e annoadore, cun una potentzialidade manna pro megiorare s’alfabetizatzione cinematogràfica de su pùblicu giòvanu.

Impreende sa ràdio a manera noa e istimolante, su progetu cheret isvilupare sa connoschèntzia de su cìnema europeu, faghende partetzipare e formende sa generatzione de ispetadores imbeniente. Est unu progetu plurilinguìsticu e multiculturale, chi previdet s’impreu de sa ràdio comente istrumentu creativu dae parte de sos istudentes de sas iscolas europeas. Su progetu at a pònnere a disponimentu versiones particulares de sas pellìculas pro fàghere partetzipare finas sos sugetos cun disabilidades sensoriales.

 

UKItalySpain flagFrance flagGermanyIcelandCroatiaRomania

 

 

FRED – Programmi di alfabetizzazione cinematografica

Clicca qui per ascoltare i programmi FRED AT SCHOOL

FRED – Radio tutorials

Clicca qui per scoprire tutti i contenuti di FRED AT SCHOOL in italiano

Clicca qui per scaricare tutti i documenti del progetto FRED AT SCHOOL

Clicca qui per conoscere le scuole che partecipano a FRED AT SCHOOL

Segui FRED AT SCHOOL sui social media:

facebook twitter       instagram

 


DIMENSIONE EUROPEA

FRED AT SCHOOL est unu progetu educativu presentadu dae FRED Film Radio in s’àmbitu de su  programma de Europa Creativa, pro megiorare sa connoschèntzia de su cìnema europeu intre sos giòvanos.

Est istadu pensadu pro s’iscola segundària e l’ant a impreare in medas Istados europeos.

Su progetu cheret promòvere sa connoschèntzia de su cìnema europeu tràmite projetziones in sas iscolas, cun s’agiudu de programmas radiofònicos in medas limbas europeas.


INNOVATZIONE E TECNOLOGIAS NOAS

Su progetu promovet sa connoschèntzia de su cìnema europeu pro mèdiu de projetziones in sas iscolas, paris cun programmas radiofònicos in FRED Film Radio, in ue sa ràdio at a èssere impreada comente istrumentu alternativu pro megiorare s’alfabetizatzione cinematogràfica in medas limbas europeas.

Sos istudentes a pustis ant a èssere cunsiderados  pro fàghere contenutos radiofònicos in sa limba issoro e in inglesu. Est duncas unu progetu chi previdet finas una fase de formatzione in su campu de sa comunicatzione radiofònica.

Cada projetzione si faghet tràmite una piataforma Video On Demand fata apositamente, tràmite custa sos istudentes impreant una sala cinematogràfica virtuale manna, paris a sos cumpàngios issoro de sos àteros Istados europeos.


METODOLOGIA DIDÀTICA INTERATIVA (FLIPPED CLASSROOM)

A cada istudente l’ant a dimandare de ascurtare contenutos àudio formativos, in domo o in su tempus lìberu.

A pustis de carchi letzione de aprofundimentu in ue s’ant a afrontare sas bases de s’alfabetizatzione cinematogràfica, sos istudentes ant a abbaidare  in iscola sa projetzione de una pellìcula a su mese (bidende in totu, bator pellìculas in classe cun s’insegnante). A sa pellìcula matessi l’ant a bìdere in su matessi tempus in sas iscolas chi leant parte a su progetu in totu sos Istados de s’Unione Europea.

In s’ìnteris de s’isvilupu de su progetu, sos pitzinnos ant a produire programmas radiofònicos cun sas ideas issoro subra de sas pellìculas. A pustis de cada projetzione, s’insegnante at a ghiare una discussione in classe. A sos istudentes l’ant a dimandare de discùtere de argumentos diferentes comente pro esempru sos aspetos de sa pellìcula chi los ant interessados de prus  o sas diversidades culturales chi ant pòdidu bìdere. Sa finalidade est sa de sintetizare, a s’acabu de sa discussione, bator puntos chi sos istudentes pensant chi sient de importu pro su pùblicu, a manera de pònnere a cunfrontu programmas fatos cun medas iscolas.


ALFABETIZATZIONE CINEMATOGRÀFICA E RADIOFÒNICA

Custas concruidas las ant a registrare sos istudentes in unu contenutu àudio, chi at a èssere imbiadu a pustis a su coordinadore natzionale e a pustis at a èssere impreadu in su cursu de unu programma radiofònicu ispetziale subra de sa pellìcula, trasmìtidu dae su canale ràdio FRED in sa limba currispondente. Una versione prus curtza de sos contenutos l’ant a registrare finas in inglesu.


CÌNEMA COMENTE ISTRUMENTU DE PROMOTZIONE DE INTERCULTURALIDADE

Sas pellìculas projetadas in su cursu de su progetu ant a èssere pellìculas europeas reghentes (seberadas intre sas pellìculas finalistas de su Prèmiu LUX de su Parlamentu Europeu), seberados intre sos chi descrient mègius sa vida e sa cultura cuntemporàneas de sas Istados europeos.

Totu sas pellìculas ant a èssere presentadas in limba originale cun sutatìtulos.


CHIRCA SUBRA DE SU LIVELLU DE ALFABETIZATZIONE CINEMATOGRÀFICA INTRE SOS ISTUDENTES EUROPEOS (UNIVERSITAT AUTÒNOMA DE BARCELONA)

Su progetu FRED AT SCHOOL cuntenet s’elaboratzione de una chirca subra de su livellu de alfabetizatzione cinematogràfica intre sos istudentes europeos. Pro custa finalidade, a su cumintzu de su progetu e a pustis de cada projetzione, a sos istudentes l’ant a dimandare de rispòndere a unu cuestionàriu subra de sa pellìcula e subra de su sentidu suo.


PROGETU A DISPONIMENTU DE SU TOTU

Totu sas pellìculas impreadas in su progetu ant a èssere a disponimentu finas pro sos istudentes cun disabilidades visivas e uditivas, a manera de fàghere su progetu inclusivu de su totu. Ant a dare versiones atzessìbiles de sas pellìculas (sutatìtulos pro sos chi no intendent e àudio-descritziones pro sos chi non bident) a manera de permìtere a sos istudentes cun disabilidades sensoriales de assìstere a sas proietziones paris a sos cumpàngios issoro, ascurtende s’àudio descritzione o leghende sos sutatìtulos pro sos surdos tràmite smartphone o tablet.


CUNFERÈNTZIA FINALE

Est prevìdida una cunferèntzia finale e a custa ant a leare parte totu sos aderentes a su progetu, carchi espertu de alfabetizatzione cinematogràfica, sos registas e carchi istudente. In cussa ocasione ant a presentare sos resurtados de su custionàriu e de sos programmas radiofònicos produidos.

At a èssere duncas un’ocasione pro avalorare s’isparghinada de s’alfabetizatzione cinematogràfica intre sos giòvanos europeos e pro giudicare s’atzivesa de su progetu.


ISCOLAS ISSEBERADAS

Sas iscolas partetzipantes ant a fàghere parte de unu campione istatìsticu esclusivu finalizadu a avalorare su livellu de alfabetizatzione cinematogràfica de sos giòvanos europeos.

Sas informatziones regortas las ant a elaborare in s’Universidade Autònoma de Bartzellona e sos resurtados los ant a imprentare sa Cummissione Europea pro s’isvilupu de sas polìticas de promotzione de su cìnema europeu, e finas àteros sugetos chi faghent parte de su mundu de s’indùstria cinematogràfica. Pro cada pellìcula projetada cada iscola partetzipante at a produire unu programma radiofònicu suo chi at a èssere trasmìtidu dae FRED Film Ràdio e at a èssere a disponimentu in podcast.

A totu sas iscolas chi ant a leare parte a su progetu las ant a nominare in unu programma radiofònicu natzionale fatu pro cada pellìcula, in unu programma radiofònicu internatzionale in inglesu e in sa cunferèntzia finale de presentatzione de sos resurtados, e a custa at a pòdere leare parte calicunu de sos istudentes chi s’at a èssere distintu a manera particulare.


INFORMATZIONES

Pro àteras informatziones o pro leare parte a su progetu FRED AT SCHOOL in calidade de istudente, insegnante, iscola, istitutzione, fèstival cinematogràficu o isponsor, si podet cuntatare FRED Film Radio:

www.fred.fm[email protected]


OFFICIAL PARTNERS

Main Partner

Print

 

 

 

Partners

Univervità_BarcellonaMYmovies_bluHRTUNIVERSITABABESBOLYAI UniversityOfRoehamptonfestival_cansGiornate_logo

 

 

 

AIACETorinoTofralampinncinemadureel-rougeSUBTI cmyk new notagLOGO SUBTI & SUBTI ACCESSTomassini

 

 

 

 

Main Sponsors 

logoassessoratoSandegna_Film_Commission